Breaking News
Home / දේශීය පුවත් / හතරවන කැබිනට් සංශෝධනයත් කොට උඩ. එජාප රාජ්‍ය ඇමතිවරයෙක් ඇතුළු පිරිසක් ස්වාධීන වෙන්න යයි

හතරවන කැබිනට් සංශෝධනයත් කොට උඩ. එජාප රාජ්‍ය ඇමතිවරයෙක් ඇතුළු පිරිසක් ස්වාධීන වෙන්න යයි

සම්මුතිවාදී යහපාලන ආණ්ඩුවේ සිවුවැනි කැබිනට් සංශෝධනයෙන් පසු තනතුරු හිමි වූ ඇමැතිවරු අතුරින් බොහෝ දෙනකු දැඩි කලකිරීමට පත්ව තනතුරු අත්හරින තත්ත්වයක් නිර්මාණය වී ඇති බව ආණ්ඩුවේ ඉහළපෙළේ ආරංචි සඳහන් කරයි.

මෙසේ කලකිරීමට පත්ව සිටින ඇමැතිවරු පිරිසක් ඇමැති තනතුරු අත්හැර මන්ත්‍රිවරු ලෙස කටයුතු කිරීමට සාකච්ඡා කරන බව දැනගන්නට ඇත.

ශ්‍රී ලංකා නිදහස් පක්ෂයේ ඇමැතිවරු දහසය දෙනකු තනතුරු අත්හැර දමා විපක්ෂයේ අසුන් ගැනීම ගෙනහැර දක්වමින්, ඔවුන් ඉදිරි මැතිවරණවලදී ඡන්ද දායකයන් අතරට යෑමට මඟ පාදා ගැනීමක් කරගෙන ඇති බව මේ සාකච්ඡාවලදී අවධාරණය වූ බව එක්සත් ජාතික පක්ෂයට සම්බන්ධ ඇමැතිවරයෙක් පැවැසීය.

ආණ්ඩුවේ සිටින ශ්‍රී ලංකා නිදහස් පක්ෂයේ ඇමැතිවරු අතරද මේ කලකිරීම පවතින බවත් ඔවුන්ගෙන් කිහිපදෙනකුද තනතුරු අතහැර විපක්ෂයේ අසුන් ගැනීම කෙරෙහි අවධානය යොමු කර ඇති බවත් ඒ සඳහා ජනාධිපතිවරයා හමු වී ආශීර්වාදය ලබා ගැනීමට අපේක්ෂාවෙන් පසුවන බවටත් වාර්තා වෙයි.

පියසේන ගමගේ දැඩි තීරණයක : රාජ්‍ය ඇමතිධුරය ප්‍රතික්ෂේප කරයි

මේ වන විට තරුණ කටයුතු සහ දක්ෂිණ සංවර්ධන රාජ්‍ය ඇමැති පියසේන ගමගේ තම කලකිරීම ප්‍රසිද්ධියේම ප්‍රකාශයට පත් කර ඇත.

අමාත්‍ය මණ්ඩල සංශෝධනය පිළිබඳව ජාතික ආණ්ඩුව නියෝජනය කරනු ලබන තමා ඇතුළු ශ්‍රී ලංකා නිදහස් පක්ෂයේ මැති ඇමැතිවරුන් 7, 8 දෙනකුම සිටින්නේ දැඩි කලකිරීමකින් බව රාජ්‍ය ඇමැති පියසේන ගමගේ මහතා කියා සිටියි.

එහෙයින් අද හෙටම ‘තීරණයක්’ ගන්නා බවත් ඔහු පවසයි.

එක්සත් ජාතික පක්ෂයේ ඇමැතිවරු පිරිසක්ද ඇමැති පදවි පිළිබඳ පවතින කලකිරීම පදනම් කරගෙන ඇමැති තනතුරු අතහැර විපක්ෂයට පැමිණ ස්වාධීනව කටයුතු කිරීමට එක්තරා නියෝජ්‍ය ඇමැතිවරයකුගේ කොළඹ පිහිටි නිවෙසේදී සාකච්ඡා පවත්වා ඇත.

මෙවන් තත්ත්වයක් යටතේ එක්සත් ජාතික පක්ෂයේ සහ ශ්‍රී ලංකා නිදහස් පක්ෂයේ ඇමැතිවරු තනතුරු අත්හැර විපක්ෂයේ අසුන් ගතහොත් පාර්ලිමේන්තුවේ සංයුතිය පිළිබඳ බරපතළ අර්බුදයක් හටගැනීම කිසිසේත්ම වැළැක්විය නොහැකි බව විශ්ලේෂකයෝ පෙන්වා දෙති.

මේ තත්ත්වය මඟහැරවීම සඳහා යළිත් ඇමැති මණ්ඩල සංශෝධනයක් ඇති කිරීමේ ඉඩකඩක් නිර්මාණය වෙමින් පවතින බවද ඔවුහු සඳහන් කරති.

(මුලාශ්‍රය – මව්බිම)

About article14

Check Also

අද ලැබුන තීන්දුව සමග මහින්ද අගමැතිධුරයෙන් ඉල්ලා අස්වීමට සුදානම් බව පැතිර යන ආරංචියේ ඇත්ත නැත්ත ගැන ඔහුගේ පුත් නාමල්ගෙන් ප්‍රකාශයක්

පාර්ලිමේන්තුව විසුරුවා මහ මැතිවරණයක් කැඳවීම සඳහා ජනාධිපතිවරයා විසින් නිකුත් කරන ලද ගැසට් නිවේදනය ක්‍රියාත්මක කිරීම …

Leave a Reply

Your email address will not be published. Required fields are marked *

error: Content is protected !!