Breaking News
Home / දේශීය පුවත් / සාමකාමී හා ශීලාචාර විරෝධය පාන කොටස් එන්ජීඕ කාරයන් ලෙස හංවඩු ගසා රට ගිනි තියන කොටස් දේශපේ‍ර්මීන් ලෙස ඔටුනු පැළඳීම කණගාටුයි – එජාපය

සාමකාමී හා ශීලාචාර විරෝධය පාන කොටස් එන්ජීඕ කාරයන් ලෙස හංවඩු ගසා රට ගිනි තියන කොටස් දේශපේ‍ර්මීන් ලෙස ඔටුනු පැළඳීම කණගාටුයි – එජාපය

මේ එජාපය විසින් නිකුත් කර ඇති නිවේදනය. සමාජ ක්‍රියාකාරී කණ්ඩායම් ගණනාවක් විසින් (10 වන දා) මාධ්‍ය ආයතන ඉදිරිපිට විරෝධතා පවත්වමින්, සංදේශ භාර දීම පිළිබඳවත් මෙම විරෝධතාවන් එක්සත් ජාතික පක්‍ෂ නායක රනිල් වික්‍රමසිංහ මහතා මෙහෙයවන එන්ජීඕ නඩයක් විසින් කළ බවට යම් යම් මාධ්‍යයන් ගෙන යන ප්‍රචාරයන් සම්බන්ධව ද අපගේ අවධානය යොමු වී ඇත.

මේ විරෝධතාව සඳහා අප පක්‍ෂයේ කිසිදු සම්බන්ධතාවක් නොමැත. අප සොයා බලා දැන හඳුනාගත් ආකාරයට මේ විරෝධතාව මෙරට ප්‍රජාතන්ත්‍රවාදය හා ජනතා පරමාධිපත්‍යය ආරක්‍ෂා කරලීම වෙනුවෙන් ඔක්තෝබර 26 වන දා සිට සටන් වැදි සමාජ ක්‍රියාකාරී කණ්ඩායම් ගණනාවකගේ සංවිධානත්වයෙන් සිදු වූවකි.

එක්සත් ජාතික පක්‍ෂය සැමවිට ම මාධ්‍ය නිදහස ගරු කරන හා ආරක්‍ෂා කරන පක්‍ෂයකි. මෙරට මාධ්‍ය ආයතනයන් වෙත බෝම්බ ප්‍රහාර හා ප්‍රචණ්ඩත්වය එල්ල වූ අවස්ථාවන්හිදීත්, මාධ්‍යවේදීන් ඝාතනයට හා තර්ජනයට ලක්වූ අවස්ථාවන්හිදීත් අප පක්‍ෂය මාධ්‍ය නිදහස හා මාධ්‍යවේදීන්ගේ ආරක්‍ෂාව වෙනුවෙන් පෙනී සිටි අයුරු යළි සිහිපත් කළ යුතු නොවේ.

තවත් අවාසනාවන්ත කරුණක් වන්නේ මෙකී මාධ්‍ය ආයතන විසින්, නීතිරීතිවලට යටත්ව, සාමකාමී හා ශීලාචාර ලෙස විරෝධය පාන කොටස් එන්ජීඕ කාරයන් හා ජාත්‍යන්තර කුමන්ත්‍රණකරුවන් ලෙස හංවඩු ගැසීමයි. රට ගිනි තියමින්, නීති බිදිමින්, ප්‍රචණ්ඩත්වය වපුරමින් විරෝධතා සිදු කරන කොටස් දේශපේ‍ර්මීන් ලෙස ඔටුනු පැළඳීමයි.

මහත්මා ගතිගුණ ප්‍රදර්ශනය කරමින්, විරෝධතාකරුවන්ගේ සංදේශ භාර ගැනීමට ක්‍රියා කළ මාධ්‍ය ආයතන වෙත අප පක්‍ෂයේ ප්‍රසාදය හිමි වන අතර, එසේ නොකොට තම ඒකාධිපතිත්වය ප්‍රදර්ශනය කළ කළු මාධ්‍යයන් වෙත අපගේ විරෝධය හා පිළිකුල මෙයින් පළ කර සිටිමු.

About article14

Check Also

මිහින්තලා පුජා භුමිය ලෝක උරුමයක් කර පොසොන් රාජ්‍ය උත්සවයක් කිරීමට සුදානමක්

පොසොන් උත්සවය වාර්ෂික ජාතික උත්සවයක් සේ සැලකීම සහ මිහින්තලාවේ වාර්ෂික පොසොන් පෙරහැර සඳහා රාජ්‍ය අනුග්‍රහය …

Leave a Reply

Your email address will not be published. Required fields are marked *

error: Content is protected !!