Breaking News
Home / දේශීය පුවත් / ශිරන්ති හෙට, යෝෂිත-රෝහිත අනිද්දා FCID/CID ට

ශිරන්ති හෙට, යෝෂිත-රෝහිත අනිද්දා FCID/CID ට

හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ හෙට (15) දිනයේ අපරාධ පරීක්ෂණ දෙපාර්තමේන්තුව හමුවේ පෙනී සිටීමට නියමිතයි.

පෙරවරු 9.30ට ඇයට පැමිණෙන ලෙසටයි දැනුම් දී ඇත්තේ.

ඒ, රගර් ක්‍රීඩක වසීම් තාජුඩීන්ගේ ඝාතන සිද්ධිය සම්බන්ධයෙන් ප්‍රශ්න කිරීම සඳහායි.

තාජුඩීන් ඝාතනයට සම්බන්ධ පුද්ගලයින් ශිරන්ති රාජපක්ෂගේ ආරක්ෂකයින්ට අයත් ඩිෆෙන්ඩර් රථයක් ඊට යොදාගෙන ඇති බවටයි චෝදනා එල්ල වී ඇත්තේ.

එම ඩිෆෙන්ඩර් රථය රතු කුරුස සංවිධානය විසින් සිරිලිය පදනමට ලබාදුන් එකක්. එහෙත් තාජුඩීන් ඝාතනයෙන් පසු සුදු පැහැති එම ඩිෆෙන්ඩර් රථය කිසිඳු හේතුවකින් තොරව කළු පැහැ ගන්වා ඇති බවයි පැවසෙන්නේ.

මීට අමතරව මහින්ද රාජපක්ෂ හිටපු ජනාධිපතිවරයාගේ පුත්‍රයෙකු වන යෝෂිත රාජපක්ෂ ද අනිද්දා (16) දිනයේ අපරාධ පරීක්ෂණ දෙපාර්තමේන්තුව හමුවේ පෙනී සිටීමට නියමිතයි.

ඔහුද කැඳවා ඇත්තේ තාජුඩීන් ඝාතනය සම්බන්ධයෙන් ප්‍රශ්න කිරීමටයි.

එමෙන්ම මහින්ද රාජපක්ෂ හිටපු ජනාධිපතිවරයාගේ තවත් පුත්‍රයෙකු වන රෝහිත රාජපක්ෂ ද FCID හමුවට ද අනිද්දා දිනයේදී කැඳවීමටයි නියෝග කර ඇත්තේ.

ඒ, ඔහුගේ ද මැදිහත්වීම මත අභ්‍යවකාශ ගත කළ චන්ද්‍රිකාව සම්බන්ධයෙන් ප්‍රශ්න කිරීම සඳහායි.

 

Nethnews

About article14

Check Also

‘රගනොපා ඔබතුමාගේ ශ්‍රීමත් ජනාධිපතිට කියලා මාධ්‍යවේදීන් ඝාතනය කල උන්ට දඩුවම් දෙන්න’ මාධ්‍යවේදීන්ගේ නමින් ගම් හදන්න සමරුපලක තැබූ සජිත්ගේ රෙදි පොද්දල ජයන්ත ගලවයි

රාජපක්ෂ පාලන සමයේ දී ඝාතනයට ලක් වූ ලසන්ත වික්‍රමතුංග, පැහැර ගැනීමට ලක්වූ කීත් නොයාර්, පෝද්දල …

Leave a Reply

Your email address will not be published. Required fields are marked *

error: Content is protected !!