Breaking News
Home / දේශීය පුවත් / ලෝකයක් වටින ඇත් රජා මරා ඇත් දළ අරන් කෑලි කෑලි කපා වලලපු කාලකන්නි ග්‍රාම සේවකයා

ලෝකයක් වටින ඇත් රජා මරා ඇත් දළ අරන් කෑලි කෑලි කපා වලලපු කාලකන්නි ග්‍රාම සේවකයා

අතුරුදන්ව සිටි ගල්ගමුවේ දළපූට්ටුවා මරා දමා ඇත්තේ හේරත්ගම ග්‍රාම නිළධාරියා ලෙස සේවය කළ පුද්ගලයා ඇතුළු පිරිසක් බවට සැක කෙරන බව වයඹ පළාත් වනජීවී අධ්‍යක්ශ කාර්යාලය පවසයි.

මේ වනවිට එම ග්‍රාම නිළධාරියා තුවක්කුවක් අතැතිව සිටින බව සැක කෙරන ජායාරූප කිහිපයක්ද සමාජ ජාලා වල හුවමාරු වේ.

ගල්ගමුවේ දළ පූට්ටුවා මරාදමා ඇත්තේ කහල්ලපල්ලකැලේ අභයභූමිය අසල හේරත්ගමදී බවට සැක කරන බවත් එම ප්‍රදේශයේ දින කිහිපයක්ම සැකකටයුතු ලෙස බැකෝ යන්ත්‍රයක් නවතා තිබී ඇති බවත් වනජීවී නිලධාරීහු කියා සිටිති.

පසුගිය 22 වැනි දින අලෙවි කිරීමට සූදානම් කර තිබියදී පානදුර වලාන මධ්‍යම දූෂණ මර්දන ප්‍රහාරක ඒකකය මඟින් අත්අඩංගුවට ගන්නා ලද ගල්ගමුවේ දළ පූට්ටුවාගේ බවට සැක කරන දළ යුගල යාන්ත්‍රික කියතකින් කපා වෙන්කර තිබී ඇත.

දළ පූට්ටුවා මරා දළ ගලවා ගැනීමෙන් අනතුරුව යාන්ත්‍රික කියත් ආධාරයෙන් සිරුර කැබලිවලට කපා වෙන්කර ස්ථාන කිහිපයක වළ දමා ඇති බව විශ්වාස කරන්නේ යැයි වැඩ බලන වනජීවී අධ්‍යක්ෂ ජනරාල් මංජුල අමරරත්න මහතා පසුගියදා අනාවරණය කලේය.

වයඹ කලාපය භාර වනජීවී සහකාර අධ්‍යක්ෂ ඒ.එච්. සුමනසේන මහතාගේ ප්‍රධානත්වයෙන් හේරත්ගම, ගල්කිරියාගම, ගල්ගමුව සහ මීගලෑව යන වනජීවී කාර්යාලවල නිලධාරි කණ්ඩායම් 4ක් දළ පූට්ටුවාගේ සිරුර වළදමා ඇති ස්ථාන සොයා ඒකාබද්ධ මෙහෙයුමක් දියත් කර තිබුණි.

මේ සම්බන්ධව හේරත්ගම ග්‍රාම නිලධාරියා සහ වැඩ තහනමට ලක්ව සිටින පොලිස් නිලධාරියකු අත්අඩංගුවට ගෙන අධිකරණයට ඉදිරිපත් කරන ලද බවත් සැකකරුවන් පැමිණ ඇත්තේද අංක තහඩු වෙනස් කරන ලද මෝටර් රථයක බවත් වලාන දූෂණ මර්දන ඒකකය පවසයි.

පොලිසිය සහ වනජීවී සංරක්ෂණ දෙපාර්තමේන්තුව මේ පිළිබඳව වෙන වෙනම පරීක්ෂණ කටයුතු සිදුකරයි.

අතුරුදන් වී සිටින ගල්ගමුව දළ පූට්ටුවා පිළිබඳව නිවැරැදිව තොරතුරක් ලබාදෙන ඕනෑම අයකුට මුදල් ත්‍යාගයක් පිරිනමන බව වනජීවී සංරක්ෂණ අමාත්‍ය ගාමිණී ජයවික්‍රම පෙරේරා මීට පෙර පැවසුවේය

දළ පූට්ටුව මරාදැමීමට හවුල් වූ බව කියන ග්‍රාමසේවා නිළධාරියාගේ ජායාරූප කිහිපයක් පහතින්

උපුටා ගැනීම හොදම ගොසිප් වෙබ් අඩවියෙන්

About article14

Check Also

මට එහෙම මුකුත් මතකනම් නැ හැබැයි මම රැ 10 ට නිදියන්නේ නැ හිටපු ජනපති මහින්ද සිඅයිඩියට කට උත්තර දුන් පසු මාධ්‍යට කියයි

මට එහෙම මුකුත් මතකනම් නැ හැබැයි මම රැ 10 ට නිදියන්නේ නැ – හිටපු ජනපති …

Leave a Reply

Your email address will not be published. Required fields are marked *

error: Content is protected !!