Breaking News
Home / ක්‍රිඩා / ලසිත් මාලිංගගේ සංවේදී හෙළිදරව්ව

ලසිත් මාලිංගගේ සංවේදී හෙළිදරව්ව

පසුගිය කාලවල එකවර තරග රැසක්ම පරාජයට පත්වීම ගැන කණගාටුව පළ කරන බව ශ්‍රී ලංකා ක්‍රිකට් පිලේ වේග පන්දු යවන ක්‍රීඩක ලසිත් මාලිංග පවසනවා.

පසුගිය තරගාවලි කිහිපයේදී ඇති වූ එහෙත් සිදු නොවිය යුතු සිද්ධින් කිහිපයක්ද මෙහිදී ලසිත් මාලිංග මතක් කර සිටියා. ඔහු මෙම අදහස් පළ කළේ ඉකුත් දා කොළඹ පැවැති ක්‍රිකට් වැඩමුළුවේදීයි.

එම අදහස් පහතින් දැක්වෙයි,

“අපි තණතීරුවට ගියාම මැච් එකට කලින් කියනවා අපිට මේ වගේ තණකොළ තියලා දෙන්න කියලා.. හැබැයි එහෙම කියලා අඩි දෙකක් එහාට මෙහාට ගිහින් එනකොට තණකොළ කපලා.. ඇහුවාම කියනවා..බ්ලේඩ් එක වැරදුණා කියලා..ජාත්‍යන්තර තලයේ පිටිය සකස් කරන කෙනෙක් එතන ඉන්නවා නම්..බ්ලේඩ් එක වරදිනවා නම්…මං හිතන්නේ නෑ..එයා ඒ පිටිය සකස් කරන්න සුදුසු පුද්ගලයෙක් කියලා. මම මේ දේ පුළුවන් හැම තැනදිම කිව්වා..ඒත් ඒ දේවල් වුණා..එක පාරක් නෙමෙයි දෙපාරක් මේක වෙලා තියෙනවා. එතනින් එහාට මම දන්නේ නෑ.. අපි හිතන දේ.. කියන දේ වෙන්නෙ නැතිව සිදුවීම් වුණාම තරග පරාජය වෙන්න බලපානවා..ඒකම එකම හේතුව කියලා නෙමෙයි මම කියන්නේ.. හැබැයි ක්‍රීඩකයින් මානසිකව වැටෙනවා..මොකද ක්‍රීඩකයන් බලාපොරොත්තුවක් ඇතුව තරගයට යන්නේ අපි කියපු දේ අපිට ලැබිලා ඇතියි කියලා..එහෙත් පිටියට ගියාම ඒ දේ නෙමෙයි තියෙන්නේ..අපේ සැළසුම් සම්පූර්ණයෙන් වෙනස් කරන්න වෙනවා. ඒ වගේ සිදුවීම් පසුගිය කාලයේ අපි ක්‍රීඩා කරද්දි සිදු වුණා.”

“එක පන්දුවක් එහෙට මෙහෙට වුනොත් ඕන තරම් බනින්න අය ඉන්නවා…පසුගිය කාලයේ ක්‍රීකට් ක්‍රීඩකයන්ට මොන මොන දේවල් කිව්වත්..අපි බැඳිලා ඉන්න ආයතනයේ මීඩියා යුනිට් එකෙන් ඒක නිවරැදි කරන්න හෝ ඒ වෙනුවෙන් පෙනී ඉන්න කටයුතු කලේ නැහැ. අපි හැමතිස්සෙම තනි වුණා. ක්‍රීඩකයාට පාරට බහින්න බැරි තරමට දේවල් කිව්වා.. ඒත් කිසිම පියවරක් ගත්තේ නැහැ. එහෙම කරන්න එපා.. ක්‍රීඩකයාට මානසිකව ඒවා බලපානවා..සමාජ ජාල මාධ්‍ය අද ප්‍රබල තැනක ඉන්නවා.. වයස් බේදයකින් තොරව ඒකේ තියෙන දේවල් ජනතාව අතරට යනවා..ඒවයේ දාන දේවල්වල සත්‍ය අසත්‍යතාව පෙන්නන්න අපේ මීඩියා යුනිට් එකට හැකියාවක් තියෙන්න ඕනේ.”

About article14

Check Also

ශ්‍රී ලංකාවේ සත්‍ය කතාවක් ඇසුරින් නිපදවූ ජාත්‍යන්තර චිත්‍රපටය’According to Mathew’ 70 දශකයේ රහස් මිනීමැරුම චන්ද්‍රන්රත්නම් සිනමාවට නගයි. සුරූපී ජැකලින්ගේ රංගනය ශ්‍

ලංකාවේ සත්‍ය කතාවක් ඇසුරින් නිපදවූ ජාත්‍යන්තර චිත්‍රපටය’According to Mathew’ ජාත්‍යන්තරය ජයගත් ශ්‍රී ලංකා සිනමාකරු චන්ද්‍රන් …

Leave a Reply

Your email address will not be published. Required fields are marked *

error: Content is protected !!