Breaking News
Home / දේශීය පුවත් / රනිල් නැවත අගමැතිවුනොත් සිරිසේන පැයක්වත් දුරයේ නොසිට ඉල්ලා අස්වෙන බව සංවිධායකයන්ට පවසයි. මන්ත්‍රීන් 11 රැස්වීමට ඇවිත් නැ

රනිල් නැවත අගමැතිවුනොත් සිරිසේන පැයක්වත් දුරයේ නොසිට ඉල්ලා අස්වෙන බව සංවිධායකයන්ට පවසයි. මන්ත්‍රීන් 11 රැස්වීමට ඇවිත් නැ

ජනාධිපතිවරයා අද දින කැඳවා තිබු ශ්‍රිලනීප ආසන සංවිධායක රැස්වීමෙදී ශ්‍රීලනිපයෙ මන්ත්‍රී කණ්ඩායමක් එජාපය සමග එක්වීමට නියමිතව සිටින බව ප්‍රකාශ කර තිබේ.

මෙම රැස්වීම සඳහා සියලුම ආසන සංවිධායකයන් කැදවා තිබූ නමුත් සංවිධායක ධුර හොබවන පාර්ලිමේන්තු මන්ත්‍රීවරු 11 දෙනෙක් පැමිණ සිටියේ නැත. ඒ අතර දුමින්ද දිසානායක ද සිටි බව ජනාධිපති කාර්යාල ආරංචි මාර්ග පවසයි.

මෙම හමුවේදී ජනාධිපතිවරයා ප්‍රකාශ කර ඇත්තේ යම් ලෙසකින් හෝ මහින්ද රාජපක්ෂට අගමැතිධුරය තහවුරු කිරීමට නොහැකිව යළි රනිල් වික්‍රමසිංහ අගමැති ලෙස බහුතරය පෙන්වා ජයගත හොත් පැය භාගයක් ඇතුලත තමන් ජනාධිපති ධුරයෙන් ඉල්ලා අස්වන බවය.

මෙහිදී මහින්ද රාජපක්ෂ 2015 දී පරාජය වූවානම් තමන්ව මරන්නට සිටි බව ජනාධිපත්වරයාගේ මුවෙන් පිට වී තිබේ.

එම අවස්ථාවේදී නැගී සිටි දැඩිගම ආසන සංවිධායක බණ්ඩාර අතුකෝරල ‘ තමන්ව මරන්න සිටි එකාව අගමැති කිරීමේ දේශපාලනය කුමක්ද ? යන විමසා ඇත. එමෙන්ම ඒ දේශපාලනය සමඟ තමන් එකග නැති බව අවධාරණය කර තිබේ.

ඉන් අනතුරුව නාවලපිටිය, මීගමුව, මීරිගම සංවිධායක වරුද එම කතාව අනුමත කරමින් මේ විසිලු කාරි කුමන්ත්‍රණය නැවැත්විය යුතු බව පෙන්වා දී තිබේ.

කෙසේ නමුත් මෙම අවස්තාවේදි ජනාධිපතිවරයා දැඩි කනස්සල්ලෙන් පසුවී ඇති අතර එහිදී දයාසිරි ජයසේකර පවසා ඇත්තේ ජනාධිපතිවරයා ඉල්ලා අස්වුවහොත් තමන්ද දේශපාලනිකව අනාත වන බවය, ජනාධිපති කාර්යාල ආරංචි මාර්ග පෙන්වා දෙන්නෙ ජනාධිපතිවරය මේ වන විට පරාජිත මනසිකත්වයෙන් පසුවන බවය.

ජනාධිපතිවරයා මහින්දව අගමැති කිරීමේ තීන්දුව ඔහුගේ උපදේශකයන් කිහිප දෙනෙකු සමඟ රහසිගතව ගත් එකක් බවත් මේ නිසා ජනාධිපතිවරයට සමීපව කටයුතු කළ බොහො දෙනෙකු මේ වන විට ජනාධිපතිවරයාගෙන් ඈත්ව සිටින බවත් පවසයි.

විශේෂයෙන්ම ජනාධිපති මාධ්‍ය අංශය අකර්මන්‍ය වන තරමට එහි නිලධාරීන් රැසක් කලකිරීමෙන් යුතුව සිටින බවත් පෙන්වා දෙයි.

About article14

Check Also

නියෝජ්‍ය නායක හා නව මහලේකම් සම්බන්ධයෙන් තීරණයක් ගන්න රනිල් අද කෘත්‍යාධිකාරය කැදවයි.

එක්සත් ජාතික පක්ෂයේ ඉදිරි ප්‍රතිසංවිධාන කටයුතු  සම්බන්ධයෙන් සාකච්ඡා කෙරෙන කෘත්‍යාධිකාරී මණ්ඩල රැස්වීමක් පිටකෝට්ටේ සිරිකොත එක්සත් …

Leave a Reply

Your email address will not be published. Required fields are marked *

error: Content is protected !!