Breaking News
Home / දේශීය පුවත් / රත්මලානේ උදැසනම වෙඩි තැබීමක් කොටහේනේ රාත්‍රියේ වෙඩි තැබීමක් අපරාධ රැල්ලේ නිමක් නැ. මෙය සාමාන්‍ය ජනතාවගේ නිදහසට බාදාවක් නොවේද?

රත්මලානේ උදැසනම වෙඩි තැබීමක් කොටහේනේ රාත්‍රියේ වෙඩි තැබීමක් අපරාධ රැල්ලේ නිමක් නැ. මෙය සාමාන්‍ය ජනතාවගේ නිදහසට බාදාවක් නොවේද?

රත්මලාන – චක්කින්දාරාම ප්‍රදේශයේදී සිදුවූ වෙඩි තැබීමකින් යුද හමුදා කෝප්‍රල්වරයෙකු තුවාල ලබා තිබෙනවා.

පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර සඳහන් කළේ අද (25) පෙරවරු 7.20 ට පමණ යුද හමුදා ලුතිනන් කර්නල්වරයෙකුගේ නිවස ආසන්නයේදී මෙම වෙඩි තැබීම සිදුව ඇති බවයි.

යතුරුපැදියකින් සහ ත්‍රිරෝද රථයකින් පැමිණ වෙඩි තැබීම සිදුකර ඇති බවට මූලික විමර්ශනවලදී තොරතුරු ලැබී ඇති බව පොලිස් මාධ්‍ය ප්‍රකාශකවරයා වැඩිදුරටත් කියා සිටියා.

මේ අතර ඊයේ (24) රාත්‍රියේ කොටහේන – ජම්පටා වීථිය ප්‍රදේශයේදී නාඳුනන පුද්ගලයන් දෙදෙනෙකු විසින් පුද්ගලයෙකුට වෙඩි තබා තිබෙනවා.

ජම්පටා වීථිය, 137 වත්ත ප්‍රදේශයේදී එල්ලවූ මෙම වෙඩි ප්‍රහාරයෙන් තුවාල ලබා ඇත්තේ එම ප්‍රදේශයේම පදිංචිකරුවෙක්.

මොහු වෙළඳසැල් හිමිකරුවෙකු වන අතර, පෞද්ගලික ආරවුලක් මත වෙඩි තැබීම සිදුවන්නට ඇති බවට සැක කරන බවයි ජම්පටා වීථියේ පොලීසියේ ප්‍රකාශකයෙකු සඳහන් කළේ..

තුවාල ලැබූ පුද්ගලයා කොළඹ ජාතික රෝහලට ඇතුළත් කර ඇති අතර, ඔහුගේ තත්ත්වය බරපතල නොවන බව ප්‍රකාශකයෙකු සඳහන් කළා.

About article14

Check Also

මට එහෙම මුකුත් මතකනම් නැ හැබැයි මම රැ 10 ට නිදියන්නේ නැ හිටපු ජනපති මහින්ද සිඅයිඩියට කට උත්තර දුන් පසු මාධ්‍යට කියයි

මට එහෙම මුකුත් මතකනම් නැ හැබැයි මම රැ 10 ට නිදියන්නේ නැ – හිටපු ජනපති …

Leave a Reply

Your email address will not be published. Required fields are marked *

error: Content is protected !!