Breaking News
Home / දේශීය පුවත් / රටේ මහදවල් ජනතා මුදල් කොල්ල කා ඇති ප්‍රභූන් ලෙස පෙනී සිටින්නන් නොපෙනුනත් අනුරාධපුර මන්ත්‍රී නෝනගේ වත්තේ පොල් කඩපු සිසුන් මුළු පොලිසියක් ගිහින් කුදලාන එයි

රටේ මහදවල් ජනතා මුදල් කොල්ල කා ඇති ප්‍රභූන් ලෙස පෙනී සිටින්නන් නොපෙනුනත් අනුරාධපුර මන්ත්‍රී නෝනගේ වත්තේ පොල් කඩපු සිසුන් මුළු පොලිසියක් ගිහින් කුදලාන එයි

අනුරාධපුර මිහින්තලය ප්‍රදේශයේ ප්‍රබල දේශපාලනඥවරියකගේ වත්තකින් පොල් ගෙඩි 30ක් පමණ කඩාගත් පාසල් සිසුන් සිවු දෙනෙකු අල්ලා ගැනීමට උසස් පොලිස් නිළධාරිකයෙකු ලවා පොලිස් නිළධාරීන් 25 දෙනෙකු යෙදවූ පුවතක් මිහින්තලයෙන් වාර්තාවෙයි.

අදාළ දේශපාලනඥවරිය පාර්ලිමේන්තුව නියෝජනය කරන්නියක් වන අතර අදාළ පාසල් සිසුන් පිරිස ඇතුළු වී ඇත්තේ කලත්තෑව ප්‍රදේශයේ ඇයට අයත් බව කියන ඉඩමකටය.

මීට දින හතරකට පෙර එම වත්තට අතුළු වූ සිසුන් පිරිස කුරුම්බා සහ පොල් ගෙඩි තිහක් පමණ කඩාගොස් ගෙන තිබූ අතර, එය ආරංචි වූ වහාම එම සිසුන් පිරිස අත්ඩඅංගුවට ගන්නා මෙන් අදාළ දේශපාලන බලවතිය උසස් පොලිස් නිළධාරියෙකුට නියෝග කර තිබේ.

එහිදී වහාම ක්‍රියාත්මක වී ඇති මෙම උසස් නිළධාරියා අදාළ ස්ථානයට පොලිස් නිළධාරින් 25 දෙනෙකු යවා පොල් කැඩූ පාසල් සිසුන් පොල්ගෙඩි 15ක්ද සමග අත්අඩංගුවට ගෙන තිබේ

කෙසේ වෙතත් වත්තෙන් පොල් කඩා ඇත්තේ බාලවයස්කාර පාසල් සිසුන් පිරිසක් බව අදාළ උසස් නිළධාරියා දේශපාලන බලවතියට දැනුම් දී ඇති අතර ඔවුන් පාසල් සිසුන් නම් අධිකරණයට ඉදිරිපත් කිරීම අවශ්‍ය නැති බව ඇය එම උසස් පොලිස් නිළධාරියාට පවසා ඇත.

නමුත් පාසල් සිසුන් පිරිස මෙම දේශපාලන බලවතියගේ නිවසට යවා සමාව අයැදීමට කටයුතු කරන ලෙස උසස් නිළධාරියා පරීක්ෂණ කළ පොලිස් නිළධාරියාට දන්වා ඇති අතර එය කිසිසේත්ම ඉටුකළ නොහැකි බව එම නිළධාරියා උසස් නිළධාරිවාරයාට පවසා ඇත.

පසුව පාසල් සිසුන් සිවු දෙනා අධිකරණයට ඉදිරිපත් කිරීම අනවශ්‍ය බව අදාළ දේශපාලන බලවතිය පැවසූ නිසා දරුවන්ගේ මව්පියන් එහි යවා ඇගෙන් සමාව ඉල්ලීමට කටයුතු කර ඇති අතර දරුවන් පිළීබඳව අවධානයෙන් සිටින ලෙස ඇය ඔවුන්ට දැඩිව අවවාද කර ඇති බව වාර්තාවේ.

මේ රටේ අල්ලස් දුෂණය ඉහවහා ගොස් ඇති අතර ඒවාට සම්බන්ධ ප්‍රභූන් කිසිවකුට අද වනකම් නිතිය ක්‍රියාත්මක වී නැත. එහෙත් පක්ෂපාති ජනයාගේ පිහිටෙන් පාර්ලිමේන්තු ගොස් ප්‍රභූ වී ඇති උදවියගේ ගෙදර බල්ලට පොල්ලෙන් ගැසුවත් එය සෙවීමට රජයේ නිල දරුවන් තුවක්කු අමෝරාගෙන යන හැටි දුටු විට මේ රටේ ඉපදුනේ ඇයි යන්න ස්වාධීනව ජීවත්වීමට උත්සහ දරන අසරණ මිනිසුන්ට හැමදාමත් සිතෙයි

About article14

Check Also

ඒබීඩී විලියර්ස්ගේ ෆේස්බුක් ෆෑන් පේජ් එක ලංකාවෙ ප්‍රේක්ෂකයන් වනසයි ඔෆ් සීසන් කතාවට පරාජයත් එක්ක සිංහලෙන් ඉංග්‍රීසියෙන් රිදෙන්න කියපු හැටි

කාලයක් ශ්‍රී ලංකා ක්‍රිකට් ලෝලීන්ගේ ආදරය දිනා ගත්ත ක්‍රීඩකයෙක් තමයි දකුණු අප්‍රිකාවේ AB de Villiers. …

Leave a Reply

Your email address will not be published. Required fields are marked *

error: Content is protected !!