Breaking News
Home / දේශීය පුවත් / මකදුරේ මදුෂ් සමග සම්බන්ධකම් පැවැත්වූ දේශපාලුවන් 80 ක ලැයිස්තුවක් සාදය උපන්දින සාදයක් නොවේ එස්ටිඑෆ් ලතිෆ් විශ්‍රාම යාමේ සතුට සැමරීමක්

මකදුරේ මදුෂ් සමග සම්බන්ධකම් පැවැත්වූ දේශපාලුවන් 80 ක ලැයිස්තුවක් සාදය උපන්දින සාදයක් නොවේ එස්ටිඑෆ් ලතිෆ් විශ්‍රාම යාමේ සතුට සැමරීමක්

මාකඳුරේ මධූෂ් සමඟ සබඳතා පැවැත්වූ දේශපාලනඥයන් අසූ දෙනකුගේ (80) තොරතුරු ඒ ගැන පරීක්ෂණ පවත්වන රාජ්‍ය බුද්ධි අංශ සිකුරාදා වනවිට සොයාගෙන තිබිණි. විවිධ පක්ෂවලට අයත් ප්‍රාදේශීය සභා සභාපතිවරුන් පළාත් සභා මන්ත්‍රීන් හා පාර්ලිමේන්තු නියෝජිතයන් රැසක් මෙම ලැයිස්තුවේ සිටින බව පොලිස් ආරංචි මාර්ග සඳහන් කරයි. ඩුබායිහිදී අත්අඩංගුවට ගත් මධූෂ් ඇතුළු ප්‍රධාන පෙළේ අපරාධකරුවන්ගෙන් ප්‍රශ්න කිරීමේදී මෙම තොරතුරු අනාවරණය වී ඇත.

මෙලෙස සිකුරාදා සවස වනවිට රඳවාගෙන සිටි සැකකරුවන් රුධිර සාම්පල ලබාගෙන කරන ලද රසායනික පරීක්ෂණ අනුව මාකඳුරේ මධූෂ් අත්අඩංගුවට ගන්නා මොහොතේදී කොකේන් නැමති මත්ද්‍රව්‍ය පානය කොට සිටි බව තහවුරු වී ඇතැයි ඩුබායි පොලිසිය ශ්‍රී ලංකා පොලිසියට සිකුරාදා වාර්තා කළේය. මධූෂ් සමඟ කොටුවූ පිරිස අතර රාජ්‍ය තාන්ත්‍රික ගමන් බලපත් හිමි තැනැත්තකු සිටි බවට පළවන වාර්තා ගැන ශ්‍රී ලංකා රාජ්‍ය බුද්ධි අංශ කිසිදු නිල තොරතුරක් වාර්තා කළේ නැත.

දරුවකුගේ උපන්දින සාදයක් යන්න සැබෑ හේතුව වසන් කිරීමට යොදාගත් උපක්‍රමයක් බවද පරීක්ෂණ අංශ සොයාගෙන තිබේ. සාදය ඇරඹෙන තෙක් සැබෑ හේතුව රහසක් ලෙස තබා ගන්නට සැලසුම් කර තිබිණි. මධූෂ්ගේ මධු සාදය ගැන සති කිහිපයකට පෙර ශ්‍රී ලංකා ආරක්ෂක අංශවලට ඔත්තු ලැබී තිබිණි. වසරකට වැඩි කාලයක් ඩුබායි සිට මධූෂ් ගැන ඔත්තු බැලූ මෙරට ආරක්ෂක අංශ නිලධාරීන්ට පකිස්තාන කුඩු ජාවාරම්කරුවන් පිරිසක් මධූෂ් ගැන සැබෑ තොරතුරු සපයා තිබිණි.

කලකට පෙර මධූෂ් සමඟ එකට කුඩු ජාවාරම් කළ මොවුන්ට ගෙවිය යුතු ඩොලර් ලක්ෂ ගණනක මුදල් නොගෙවීම නිසා පකිස්තාන කුඩු ජාවාරමුන් මධූෂ් සමඟ වෛරයෙන් පසු වූහ. ඒ අයගෙන් ශ්‍රී ලංකා පොලීසිය නිරන්තරයෙන් තොරතුරු ලබාගත් බව පොලිස් ආරංචි මාර්ග සඳහන් කරයි.ජ්‍යෙෂ්ඨ නියෝජ්‍ය පොලිස්පති ලතීෆ් මහතා විශ්‍රාම ලබන දිනයේම මෙම සාදය සංවිධානය කෙරෙන බව ශ්‍රී ලංකා බුද්ධි අංශවලට දැනගන්නට ලැබුණේ ඊට දෙසතියකට පමණ පෙරය.

සාදය සඳහා ඩුබායිහි සිටි සියලු පාතාල ලොක්කෝ ඇරුයුම් ලබා සිටියහ. සාදය සඳහා වැයවන මුදල් ගෙවීම වෙනත් තැනැත්තෙකුගේ නමින් මධූෂ් විසින් සිදුකිරීමට පියවර ගෙන තිබිණි.මාකඳුරේ මධූෂ් අත්අඩංගුවට ගත් තරු හෝටල් සාදය සංවිධානය කර තිබූ සැබෑ හේතුව ඔහුට මහත් හිසරදයක්ව සිටි ශ්‍රී ලංකා පොලීසියේ එස්.ටී.එෆ්. ප්‍රධානී ජ්‍යෙෂ්ඨ නියෝජ්‍ය පොලිස්පති එම්.ආර්. ලතීෆ් මහතා විශ්‍රාම යාමේ සතුට බව ඩුබායි පොලීසිය හා ශ්‍රී ලංකා අපරාධ පරික්ෂණ අංශ කළ ඒකාබද්ධ පරීක්ෂණයේදී මේ වනවිට අනාවරණය වී ඇත.මාකඳුරේ මධූෂ් ශ්‍රී ලංකාවට ලබාදෙන ලෙස ශ්‍රී ලංකා ආණ්ඩුව පසුගිය බ්‍රහස්පතින්දා ඩුබායි රාජ්‍ය වෙත නිල ඉල්ලීමක් කළේය.

මෙරට ඉහළම රාජ්‍ය තාන්ත්‍රික මට්ටමින් ඩුබායි පාලක කලීෆා බීන් සෙයිඩ් අල් නයිහැම් මහතා වෙත නිල වශයෙන් මෙම ඉල්ලීම යොමුකළ බව රාජ්‍යතාන්ත්‍රික ආරංචි මාර්ග කියයි.මාකඳුරේ මධූෂ් ශ්‍රී ලංකාවට ලබාගැනීම සඳහා අපරාධ පරීක්ෂණ දෙපාර්තමේන්තුව කඩිනමින් ඔහුට එරෙහිව මිනීමැරුම් චෝදනා යටතේ ශ්‍රී ලංකා අධිකරණයේ විශේෂිත නඩුවක් ගොනුකිරීමට නියමිතය.පොලිස් ප්‍රධානීන් – දෙරටේ නීති විශාරදයන් සහ ගිය සතියේ පවත්වන ලද සාකච්ඡාවකින් පසුව මෙම තීරණය ගෙන ඇත.

දැනට ඩුබායිහිදී ඔවුන් අත්අඩංගුවට පත්ව ඇත්තේ මත්ද්‍රව්‍ය පානය කිරීමේ වරදටය. ඒ සඳහා එරට අධිකරණයෙන් හිමිවන්නේ වසරකට ආසන්න කාලයක් සඳහා වන සිරදඬුවමකි. ඒ සිරදඬුවම ගෙවීයාමට පෙර මධූෂ් ශ්‍රී ලංකාවට ලබාගැනීම පිණිස උසාවි නියෝගයක් ලබාගැනීම නඩු පැවරීමේ අරමුණ බව අපරාධ පරීක්ෂණ දෙපාර්තමේන්තුව පවසයි.

එතෙක් ඔහු ඩුබායිහි අධි ආරක්ෂිත සිරගෙයක සිරකර තැබෙනු ඇතැයි තානාපති අංශ ආරංචි මාර්ග කියයි.ඩුබායි සහ ශ්‍රී ලංකාව දෙරටේ අපරාධකරුවන් හුවමාරු කර ගැනීමට අදාළ උදර්පන නීතියට අත්සන් තබා නැති බැවින් අදාළ ඉල්ලීම සිදුකළ බව ජ්‍යෙෂ්ඨ රාජ්‍යතාන්ත්‍රික ප්‍රකාශකයෙක් දේශයට කීය.කොළඹ සිටින ඩුබායිහි තානාපති අංශ විසින් රජයේ ඉල්ලීම පසුගිය සිකුරාදාම ඩුබායි රාජ්‍ය නායකයා වෙත යොමුකර තිබේ.මේ අතර මාකඳුරේ මදූෂ් ඇතුලූ ඩුබායිහිදී අත්අඩංගුවට ගත් ශ‍්‍රී ලාංකික සැකකරුවන් 39දෙනෙකු අද (10) එරට අධිකරණය හමුවට ඉදිරිපත් කෙරෙනවා.

ඩුබායිහි සුපිරි හෝටලයක පැවැති සාදයකදී මදූෂ් ඇතුළු 31දෙනෙකු අත්අඩංගුවට ගැනුණු අතර තවත් සැකකරුවන් 14දෙනෙකු එම හෝටලයෙන් පිටතදී අත්අඩංගුවට ගැනුණා. එලෙස අත්අඩංගුවට ගැනුණු සියලූ සැකකරුවන්ගේ රුධීර පරීක්ෂාවක් ඉකුත් දා සිදු කෙරුණා. ඒ අතරින් විෂ මත්ද්‍රව්‍ය ශරීරගතව ඇති බවට අනාවරණ වී ඇති 39දෙනෙකු මෙලෙස අධිකරණය හමුවට ඉදිරිපත් කිරීමට නියමිතයි.

About article14

Check Also

ජනාධිපති තවම ඉන්දියාවේ. අගමැති හා විපක්ශ නායක අදාල ස්ථාන වලට යයි

අද පෙරවරුවේ බෝම්බ පිපිරවීම් සිදුවූ ස්ථාන කිහිපයකට පැමිණි අග්‍රාමාත්‍ය රනිල් වික්‍රමසිංහ මහතා එහි වත්මන් තත්ත්වය …

Leave a Reply

Your email address will not be published. Required fields are marked *

error: Content is protected !!