Breaking News
Home / දේශීය පුවත් / පිබිදෙමු පොලොන්නරුව යටතේ එක පෙලට විවෘත කල හිගුරක්ගොඩ බස් නැවතුම්පල කඩා වැටෙයි

පිබිදෙමු පොලොන්නරුව යටතේ එක පෙලට විවෘත කල හිගුරක්ගොඩ බස් නැවතුම්පල කඩා වැටෙයි

“පිබිදෙමු පොළොන්නරුව” නමින් ජනාධිපති සිරිසේනගේ මූලිකත්වයෙන් දියත් වූ සංවර්ධන වැඩසටහන යටතේ රුපියල් මිලියන 100ක මුදලක් වැයකරමින් හිඟුරක්ගොඩ නගරයේ ඉදිකරමින් තිබූ බස් නැවැතුම්පළක් ඊයේ(14) පස්වරුවේ කඩාවැටී ඇති බව වාර්තා වෙයි.

ඒ සමග මගී ජනතාව සහ බස්රථ එම ස්ථානයෙන් ඉවත් කර එය ජනතාවට තහනම් ප්‍රදේශයක් බවට පත් කිරීමට හිගුරක්ගොඩ පොලිසිය කටයුතු කර ඇති බවත් වාර්තා වෙයි.

මෙහි පළමු මහලේ ඉදිකිරීම් කටයුතු පෞද්ගලික කොන්ත්‍රාත්කරුවකු විසින් ඉදිකර අවසන් කිරීමෙන් පසු ජනාධිපතිවරයාගේ ප්‍රධානත්වයෙන් පසුගිය වසරේ අගෝස්තු 01 දින ජනතා අයිතියට පත් කරනු ලැබූ අතර එහි ඉහළ මහළයේ වැඩ කටයුතු මේවන විට ආරම්භ කර ඇත.

එහි ඉදිකිරීම් සිදුකරමින් සිටියදී පහළ මහලයේ එක් කොටසක් කඩා වැටීමට පටන් ගෙන ඇති අතර ඉදිකිරීම් නවතා දමා ඒ පිළිබඳව පොලිසිය දැනුවත් කිරීමත් සමඟ පොලිසිය වහාම ජනතාවගේ ආරක්ෂාව වෙනුවෙන් එය ජනතාවට තහනම් කලාපයක් කර ඇති අතර ජනතාව සහ බස්රථ එම ස්ථානයෙන් ඉවත් කිරීමට කටයුතු කර තිබේ.

මෙම බස් නැවැතුම්පොළ ඉදිකිරීම් ආරම්භ කළ දින සිට සියලු ඉදිකිරීම් ප්‍රමිතියෙන් තොර බවත් ඒ පිළිබඳ බලධාරීන් දැනුවත් කළද විසඳුමක් ලබා නොදුන් බවද ජනතාව පවසයි.

About article14

Check Also

අපේක්ෂකයා එන්නේ කාගේත් එකගත්වයෙන් එජාපයෙන් – එජාප මහලේකම්ගෙන් නිවේදනයක්

එජාප මහලේකම් අකිල විරාජ් කාරියවසම් නිවේදනයක් නිකුත් කර තිබෙනවා. ඒ පක්ෂයේ ජනාධිපති අපේක්ෂකයා පිලිබදවයි. එය …

Leave a Reply

Your email address will not be published. Required fields are marked *

error: Content is protected !!