Breaking News
Home / දේශීය පුවත් / දේශපාලකයන් එකසිය ගානකට විතරක් නෙවේ ලංකාවේ හැම ක්ෂේත්‍රයටම බැඳුම්කර බැනා විවිධ අවස්ථා ගණනකදී ලංකාවේ 45000 කට මුදල් දීලා

දේශපාලකයන් එකසිය ගානකට විතරක් නෙවේ ලංකාවේ හැම ක්ෂේත්‍රයටම බැඳුම්කර බැනා විවිධ අවස්ථා ගණනකදී ලංකාවේ 45000 කට මුදල් දීලා

පර්පෙචුවෙල් ට්‍රෙෂරීස් සමාගම විවිධ තරාතිරම්වල පුද්ගලයින්ට අවස්ථාවන් 45,000කදී පමණ රුපියල් ලක්‍ෂ ගණනින් මුදල් ලබාදී ඇතැයි මේ පිළිබඳව විමර්ශනය කරන අපරාධ පරීක්ෂණ දෙපාර්තමේන්තුව විසින් හෙළිකරගෙන ඇතැයි වාර්තා වේ.

මෙලෙස විවිධ තරාතිරම්වල පුද්ගලයින්ට මුදල් ලබාදීම සඳහා පර්පෙචුවෙල් ට්‍රෙෂරීස් සමාගම එම සමාගම් සමූහයේ සහෝදර සමාගම් වන ඩබ්ලිව්.එම්. මෙන්ඩිස් සහ ‘වොල්ට් ඇන්ඩ් රෝ’ සමාගම්ද යොදාගෙන ඇති බවද විවිධාකාර පුද්ගලයින්ට එලෙස මුදල් ලබාදී ඇතැත් එම චෙක්පත් මාරු කරගෙන ඇත්තේ වෙනත් පුද්ගලයින්ගේ නම් වලින් බවද අපරාධ පරීක්ෂණ දෙපාර්තමේන්තුව හෙළි කරගෙන ඇතැයි වාර්තා වේ.

එලෙස මුදල් ලබාදී ඇති පුද්ගලයින් පිළිබඳව පර්පෙචුවෙල් ට්‍රෙෂරීස් සමාගමේ ලේඛනවල සටහන් තබා ඇති බවත් එලෙස තබා ඇති ඇතැම් සටහන්වල විවිධාකාර පුද්ගලයින්ගේ නාමයන් ඉංග‍්‍රීසි කෙටි අක්‍ෂරයන් (මුලකුරු)වලින් තබා තිබීම හේතුවෙන් නිශ්චිත පුද්ගලයින් කවුරුන්ද යන්න හඳුනාගැනීම සඳහා වැඩිදුර පරීක්‍ෂණ පවත්වන බවද වාර්තා වේ.

මෙම තොරතුරු හෙළි කරගෙන ඇත්තේ ශ්‍රී ලංකා මහ බැංකුවේ අධිපති ආචාර්ය ඉන්ද්‍රජිත් කුමාරස්වාමි මහතා 2016 නොවැම්බර් මස 25 වැනි දා පොලිස්පතිවරයා වෙත කරන ලද පැමිණිල්ලකට අනුව ශ්‍රී ලංකා මහ බැංකුව විසින් භාණ්ඩාගාර බැදුම්කර නිකුත් කිරීමේදී අනාවරණය නොකළ යුතු මූල්‍ය සංවේදිතාවයක් ඇති රහස්‍ය තොරතුරු මහ බැංකුවේ යම් යම් පාර්ශවයන් විසින් ලබාදී තිබේද යන්න පිළිබඳව අපරාධ පරීක්ෂණ දෙපාර්තමේන්තුව ආරම්භ කර ඇති විමර්ශනයේ දී බව වාර්තා වේ.

මේ සම්බන්ධයෙන් සිදුකරන පරීක්‍ෂණ සඳහා භාණ්ඩාගාර බැඳුම්කර නිකුත් කිරීමේදී අක‍්‍රමිකතාවයක් සිදුවී ඇද්ද යන්න සම්බන්ධයෙන් සෙවීම සඳහා පත්කළ ජනාධිපති පරීක්‍ෂණ කොමිසමේදී හෙළි වු කරුණු මෙන්ම ඉදිරිපත් වු සාක්කිද සැළකිල්ලට ගෙන ඇතැයි වාර්තා වේ.

ලංකාදීප

About article14

Check Also

මාධ්‍යවේදී ඝාතන හා ප්‍රහාර මහාපරිමාණ දුෂණ පරීක්ෂණ කල අපරාධ පරීක්ෂණ ඒකකයේ ප්‍රධානි නිශාන්ත සිල්වා වහාම ඉවත් කරයි

පසුගිය ආණ්ඩු සමයේ මාධ්‍යවේදීන්ට පහර එල්ල කිරීම ඝාතනය කිරීම් වලට සම්බන්ධ ඉහළපෙලේ පරීක්ෂණ සහ මහාපරිමාණ …

Leave a Reply

Your email address will not be published. Required fields are marked *

error: Content is protected !!