Breaking News
Home / දේශීය පුවත් / කැබනට් ප්‍රකාශක ලෙස අනුර ප්‍රියදර්ශන පත්කිරීමට නිදහස් පක්ෂේ සූදානමක්

කැබනට් ප්‍රකාශක ලෙස අනුර ප්‍රියදර්ශන පත්කිරීමට නිදහස් පක්ෂේ සූදානමක්

ශ්‍රී ලංකා නිදහස් පක්ෂයේ ආණ්ඩුවක් පිහිටුවා ගැනීම සඳහා කඩිනම් වැඩපිළිවෙළක් ක්‍රියාත්මක කිරීමත්, ඇමැති මණ්ඩල සංශෝධනය තවත් ප්‍රමාද නොකර සිදු කිරීමත් කළයුතු බව ශ්‍රී ලනි පක්ෂයේ ඇමැතිවරු පිරිසක් පක්ෂයේ මහ ලේකම් ඇමැති මහින්ද අමරවීර සමඟ ඔහුගේ කොළඹ නිවෙසේ පැවැති සාකච්ඡාවකදී අවධාරණය කර ඇත.

දැනට පවතින තත්ත්වය අනුව ශ්‍රී ලංකා නිදහස් පක්ෂය තව තවත් කඩා වැටෙන බව කරුණු සහිතව පෙන්වා දී ඇති එම ඇමැති කණ්ඩායම ඡන්ද දායකයන් අතරට යා නොහැකි වටපිටාවක් නිර්මාණය වෙමින් පවතින බවද සඳහන් කර තිබේ.

කැබිනට් ප්‍රකාශක වශයෙන් දැනට කටයුතු කරන රාජිත සේනාරත්න ඇමැතිවරයා එම තනතුරෙන් ඉවත් කර ශ්‍රී ලංකා නිදහස් පක්ෂයේ අයකු ලෙස අනුර ප්‍රියදර්ශන යාපා ඇමැතිවරයා ඒ සඳහා පත්කළ යුතු බවට යෝජනා කර ඇති බවත් ඒ පිළිබඳව ජනාධිපතිවරයා හමුවී කරුණු දක්වන බවත් එහිදී සඳහන් වී තිබේ.

පැවැති සාකච්ඡාවේදී සඳහන් වූ කරුණු මහින්ද අමරවීර ඇමැතිවරයාගේද පිළිගැනීමට ලක්වූ බවද දැනගන්නට ඇත.
ශ්‍රී ලංකා නිදහස් පක්ෂයේ ඇමැති කණ්ඩායම අද (8දා) ජනාධිපති මෛත්‍රිපාල සිරිසේන මහතා සමඟ මේ පිළිබඳ තීරණාත්මක සාකච්ඡාවක් කර සියලු කරුණු ඉදිරිපත් කර ඉදිරි දින කිහිපය තුළ ඇමැති මණ්ඩල සංශෝධනය සිදු කරන ලෙස ඉල්ලා සිටීමට තීරණය කර ඇති බවද දැනගන්නට ඇත.

ඩබ්ලිව්. ඩී.ජේ. සෙනෙවිරත්න, නිමල් සිරිපාල ද සිල්වා, සුසිල් ප්‍රේමජයන්ත, අනුර ප්‍රියදර්ශන යාපා, දයාසිරි ජයසේකර, චන්දිම වීරක්කොඩි, ඩිලාන් පෙරේරා සහ ලසන්ත අලගියවන්න යන ඇමැතිවරු මහින්ද අමරවීර ඇමැතිවරයාගේ කොළඹ නිවෙසේදී මේ සාකච්ඡාව පවත්වා ඇති බව දැනගන්නට ඇත.

– මව්බිම

About article14

Check Also

ශ්‍රී ලංකාවේ සත්‍ය කතාවක් ඇසුරින් නිපදවූ ජාත්‍යන්තර චිත්‍රපටය’According to Mathew’ 70 දශකයේ රහස් මිනීමැරුම චන්ද්‍රන්රත්නම් සිනමාවට නගයි. සුරූපී ජැකලින්ගේ රංගනය ශ්‍

ලංකාවේ සත්‍ය කතාවක් ඇසුරින් නිපදවූ ජාත්‍යන්තර චිත්‍රපටය’According to Mathew’ ජාත්‍යන්තරය ජයගත් ශ්‍රී ලංකා සිනමාකරු චන්ද්‍රන් …

Leave a Reply

Your email address will not be published. Required fields are marked *

error: Content is protected !!