Breaking News
Home / දේශීය පුවත් / උතුරෙන් දකුණට පාඩම් කියාදෙන විනිසුරුතුමන් ආගම නමින් කරන බිලිපූජා තහනම් කරයි

උතුරෙන් දකුණට පාඩම් කියාදෙන විනිසුරුතුමන් ආගම නමින් කරන බිලිපූජා තහනම් කරයි

විවිධ වූ ආගමික උත්සවයන් වෙනුවෙන් යාපනය දිස්ත්‍රීක්කයේ පිහිටි කෝවිල් තුලදී සිදු කෙරෙන සත්ව බිලි පූජාවන් නොපවත්වන ලෙසට යාපනය මහාධිකරණ විනිසුරු එම්.ඉලංචේලියන් මහතා නියෝග කොට ඇත.

සමස්ත ලංකා සෛව මහා සභාව විසින් ගොනු කරන ලද පෙත්සමක් ඊයේ (24) දින සලකා බැලීමෙන් පසුව යාපනය මහාධිකරණ විනිසුරු වරයා මෙම නියෝගය සිදු කළේය.

මීට පෙර යාපනය දිස්ත්‍රීක්කයේ පිහිටි කෝවිල්හි පවත්වනු ලැබූ දේව පූජාවන් වෙනුවෙන් මහා පරිමාණයෙන් සත්ව බිලි පූජාවන් සිදු කෙරෙන බැවින් එයට විරෝධය පා සෛව මහා සභාව විසින් මෙම පෙත්සම ගොනු කර තිබුණි.

කිසියම් අයුරකින් ඉදිරියේදී සත්ව බිලි පූජාවක් සිදු කරන්නේ නම් එම පාර්සවයන් තරාතිරම නොබලා අත්අඩංගුවට ගෙන නීතිය ක්‍රියාත්මක කරන ලෙසට යාපනය මහාධිකරන විනිසුරු වරයා විසින් උතුරු පලාත් ජ්‍යේෂ්ඨ පොලිස් නිලධාරීන්ට දන්වා ඇත.

පසුගිය යුද සමයේදී පවාද යාපනයේ පිහිටි කෝවිල් තුල එළුවන්,ගවයින් හා කුකුලන් ඇතුලු සතුන් විශාල සංඛ්‍යාවක් යොදා ගනිමින් බිලිපූජාවන් සිදු කල අතර එම බිලි පූජාවන් නවත්වන ලෙසට විවිධ සත්ව සංවිධාන මගින් විරෝධවන්ද සිදු කරනු ලැබීය.

– වන්නි රොමේෂ් මධුෂංඛ

About article14

Check Also

ශ්‍රී ලංකාවේ සත්‍ය කතාවක් ඇසුරින් නිපදවූ ජාත්‍යන්තර චිත්‍රපටය’According to Mathew’ 70 දශකයේ රහස් මිනීමැරුම චන්ද්‍රන්රත්නම් සිනමාවට නගයි. සුරූපී ජැකලින්ගේ රංගනය ශ්‍

ලංකාවේ සත්‍ය කතාවක් ඇසුරින් නිපදවූ ජාත්‍යන්තර චිත්‍රපටය’According to Mathew’ ජාත්‍යන්තරය ජයගත් ශ්‍රී ලංකා සිනමාකරු චන්ද්‍රන් …

Leave a Reply

Your email address will not be published. Required fields are marked *

error: Content is protected !!