Breaking News
Home / දේශීය පුවත් / ඇමති ක්‍රිඩකයින්ගෙන් පලිගන්නවද? සිම්බාබ්වේට ගහන සංචිතය කපයි.

ඇමති ක්‍රිඩකයින්ගෙන් පලිගන්නවද? සිම්බාබ්වේට ගහන සංචිතය කපයි.

සිම්බාබ්වේ ක්‍රිකට් කණ්ඩායම සමග පැවැත්වෙන තරගාවලිය සඳහා නම්කළ ශ්‍රී ලංකා සංචිතයට. තමන් අනුමැතිය ලබා නොදෙන බවත්, ඔවුන් කිසිවෙකුත් ලෝක ශ්‍රේණිගත කිරීම් අනුව ඉදිරියෙන් නොමැති බවත් ක්‍රීඩා අමාත්‍ය දයාසිරි ජයසේකර මහතා මාධ්‍යට පැවසීය.

එමෙන්ම ක්‍රීඩකයන්ගේ ශාරීරික යෝග්‍යතාව උසස් මට්ටමකට රැගෙන ඒම සඳහා කළ යුතු සියලු දේ අමාත්‍යාංශයෙන් සිදුකරන බවත්, ඒ සඳහා හෙට (27දා) සියලුම පුහුණුකරුවන්, ක්‍රිකට් ආයතන නිලධාරීන් හා ශාරීරික යෝග්‍යතාව භාරව කටයුතු කරන පුද්ගලයන් ක්‍රිකට් ආයතනයට කැඳවා ඔවුන්ට තිබෙන ගැටලු හා ක්‍රීඩකයන්ගේ ගැටලු සාකච්ඡා කරන බවත් අමාත්‍යවරයා පවසා සිටියේය.

“සිම්බාබ්වේ තරග සඳහා නම්කළ සංචිතය මට ලැබිලා තිබෙනවා. හෙට මම සවස 3ට තේරීම් කමිටුවට, පුහුණුකරුවන්ට, ක්‍රීඩකයන්ට හා අනෙකුත් සියලු සාමාජිකයන්ට සාකච්ඡාවකට පැමිණෙන්න කියලා තිබෙනවා.

එහිදී මං බලාපොරොත්තු වෙනවා ක්‍රීඩකයන්ගේ ශාරීරික යෝග්‍යතාවේ තිබෙන ගැටලු පෙන්වලා දෙන්න. එකම ක්‍රීඩකයෙක්වත් ශාරීරික යෝග්‍යතාව අනුව ලෝක මට්ටමේ ශ්‍රේණිගත කිරීම්වල නැහැ.

ශාරීරික යෝග්‍යතාවේත් පවතිනවා ලෝක ශ්‍රේණිගත කිරීමේ මට්ටමක්. අපේ කිසිම ක්‍රීඩකයෙක් ඒ තුළ නැහැ. අපි ක්‍රීඩා කරන්නේ අන්තර්ජාතික තරග. අනිවාර්යියෙන් මම ක්‍රීඩකයන්ගේ ශාරීරික යෝග්‍යතාව බලනවා. මට ලැබිලා තිබෙන සංචිතයේ කාවවත් අනුමත කරන්න බැහැ. ඒ නිසා මේ සංචිතයට අනුමැතිය ලබාදෙන්න බැහැ. ලංකාවේ දේශීය තරගයක් ගහනවා නම් මට ඔය කියන සංචිතය අනුමත කරලා දෙන්න පුළුවන්.

නමුත් අන්තර්ජාතික ක්‍රිකට් ක්‍රීඩා කරන්න සංචිතයක් සඳහා ඒගොල්ලො දීලා තිබෙන ශාරීරික යෝග්‍යතා නිර්ණායක අනුව නම් අනුමැතියක් දෙන්න බැහැ. ඒ නිසා මේ සියලුම දෙනාට කතා කරලා ඔවුන්ට වගකීමක් ලබාදිය යුතුයි, මේ කාලය ඇතුළත ශාරීරික යෝග්‍යතාව හදාගන්න කියලා. නැත්නම් මම අනුමැතියක් ලබාදෙන්නේ නැහැ” යැයි ක්‍රීඩා අමාත්‍යවරයා වැඩිදුරටත් පවසා සිටියේය.

About article14

Check Also

ගෝඨාභය අත් අඩංගුවට ගන්න නොදෙන්නේ විධායක ජනාධිපති සිරිසේන – නීතීඥ සුගන්ධිකාගේ අන්දෝලනාත්මක හෙලිකිරීම

අත්අඩංගුවට ගැනීමට අවශ්‍ය සියලු කෙටුම්පත් නීතිපති දෙපාර්තමේන්තුව විසින් සකස් කර තිබියදීත්, හිටපු ආරක්ෂක ලේකම් ගෝඨාභය …

Leave a Reply

Your email address will not be published. Required fields are marked *

error: Content is protected !!