Breaking News
Home / ක්‍රිඩා / අපට තිබ්බ බාධක ක්‍රිකට් කණ්ඩායමට තිබුන නම් අද ලංකාවෙ ක්‍රිකට් නෑ – දිලන්ත

අපට තිබ්බ බාධක ක්‍රිකට් කණ්ඩායමට තිබුන නම් අද ලංකාවෙ ක්‍රිකට් නෑ – දිලන්ත

දිලන්ත මාලගමුව යනු ශ්‍රී ලංකා ක්‍රීඩා ඉතිහාසයේ නොමැකෙන නමක් තැබු වීරයෙක්. ශ්‍රී ලාංකිකයෙකුට සිහිනයක්ම පමණක් ව තිබු මෝටර් රථ ධාවන ක්ෂේත්‍රයට පා තබා රජයෙන් හෝ රටෙන් කිසිදු අනුග්‍රහයක් නොලබා රටට මහා ගෞරවයක් ගෙනා දිලන්ත පසුගිය දිනෙක පෞද්ගලික රුපවාහීනි නාළිකාවක පැවැති සජීවි සංවාදයකට එක් වුනා. ඒ දිලන්ත මෙන්ම රටට ගෞ‍රවයක් ගෙනා ආසියානු කාය වර්ධන ශූර ලූෂන් පුෂ්පරාජ් ඇතුලු පිරිසක් සමග.
එහිදි දිලන්ත දැක්වු අදහසක් සමාජ ජාලා මාධ්‍ය වල කතාබහට ලක්ව තිබෙනවා.

එම අවස්ථාවේ සම්පූර්ණ සංවාදය පහතින්.

දිලන්ත: අපි යන්නේ ශ්‍රී ලාංකිකයෙක් විදියට , ලූෂන් යන්නේ ශ්‍රී ලාංකිකයෙක් විදියට. මොකද අපි ලෝකෙ එක්ක තරග කරලා දින්නට පස්සේ ඔසවන්නේ ශ්‍රී ලංකා ජාතික කොඩිය. ගැයෙන්නේ ශ්‍රී ලංකා ජාතික ගීය.අපි තරග කරන්නේ අපේ රට වෙනුවෙන් ලෝකයේ ධණවත් රටවල ක්‍රීඩකයො එක්ක. ඒ නිසා මේ ක්‍රීඩා ගැනත් බලන්න.
මන් දැකලා තියෙනවා ක්‍රීඩකයො කියනවා මානසිකව වැටිලා කියලා. එහෙම නම් මම , මෙයා (ලූෂන්) කොහොම වැටෙන්න ඕනද.? මන් කියන්නේ මානසිකව වැටිච්ච කෙනෙක් රට්ක් නියෝජනය කරන්න සුදුසු නෑ.

නිවේදකයා: ඔබ කියන්නේ විශේෂයෙන් ක්‍රිකට් ක්‍රීඩාව ගැන

දිලන්ත: මන් කියන්නේ හැම ක්‍රීඩාව ගැනම , මට ඇහිලා තියෙනවා ක්‍රීඩකයො මානසිකව වැටිලා කියනවා. ඉතින් මානසිකව වැටිලා නම් කොහොමද රටක් නියෝජනය කරන්නේ.මන් කියන්නේ මානසිකව වැටිලා නම් එයාව පැත්තකින් තියලා මානසිකව හොද තත්වයේ අයව ක්‍රීඩා කරවන්න. මොකද එහෙම මානසිකව වැටෙනවා නම් මෙලහකට මම අංගොඩ , මෙයා (ලූෂන්) මුල්ලේරියාවේ ඉන්න ඕන.

දිලන්ත මාලගමුවගේ මෙම ප්‍රකාශය කෝටී ගණනින් උපයා දිනෙන් දිනම පරාජය ව මානසිකව වැටුනා යැයි නිදහසට කරුණු කියන ක්‍රිකට් ක්‍රිඩකයන්ට එල්ල කළ සිහින් ටොක්කක් යැයි සමාජ ජාලා මාධ්‍යවල අදහස් පළව තිබුනා.

About article14

Check Also

මාධ්‍යවේදී ඝාතන හා ප්‍රහාර මහාපරිමාණ දුෂණ පරීක්ෂණ කල අපරාධ පරීක්ෂණ ඒකකයේ ප්‍රධානි නිශාන්ත සිල්වා වහාම ඉවත් කරයි

පසුගිය ආණ්ඩු සමයේ මාධ්‍යවේදීන්ට පහර එල්ල කිරීම ඝාතනය කිරීම් වලට සම්බන්ධ ඉහළපෙලේ පරීක්ෂණ සහ මහාපරිමාණ …

Leave a Reply

Your email address will not be published. Required fields are marked *

error: Content is protected !!